స్వర్గ ప్రవేశం

వేకువ వెలుగులు ముగ్గులల్లదానికి ముందే
రాత్రి మేఘాలు విచ్చిన్నమవడానికి ముందే
నిద్రానిద్ర, కల-మెలకువల ఊగిసలాట సమయాన
ప్రేమిక వాణివి 'సెల్' లో ఆహ్వాన గీతాన్ని పాడుతావు
తొలి ఉదయ వేలనే ఆహ్లాదంగా పలకరించి
స్వర్గాన్ని నా ఎదుట పునర్ప్రతిష్ట చేస్తావు
స్వప్నాస్వప్న జగత్తులోకి చేయిపట్టి తీసికేల్తూ
అనురాగ కుగిలిలో వివశున్ని చేస్తావు..
ఇక,
స్వర్గాన్ని చేతితో, కళ్ళతో, నాలుకతో, పెదాలతో
తడుముతూ,చూస్తూ,స్పృశిస్తూ,చుమ్బిస్తూ
బింబ ప్రతిబింబాల దోబూచులాటలు
దేహ కోణాల కంపన-ప్రకంపనల-ప్రచోదనాల శ్వాసలు
శరీర మంతనాలు-మనో మధనాల అద్వైతంలో
స్వర్గ ఫలాల తేనియాలని చప్పరిస్తూ, జుర్రుకుంటూ..
గ్రోలుకుంటూ ...
దాన్నే కొనసాగిస్తూ...

---మా. హరికృష్ణ